الممرض عبدالله عزالدين عبدالله ياسين صرصور من كفرقاسم يعلن اصابته بفايروس كورونا

اعلن الممرض عبدالله عزالدين عبدالله ياسين صرصورمن كفرقاسم اصابته بفايروس كورونا .
وكتب على حسابه الخاص على الفيسبوك :"  نظرا لكثره الرسائل والتساؤلات والاشاعات المتناقله قررت اطلع واكتب الصوره الحقيقه للي صار معي .

بعد ما ظهرت عندي اعراض جدا طفيفه قبل ١٠ ايام مثل احتقان بالانف ووجع بالحلق ووجع راس خفيف جدا استمر لمده لا تزيد عن يومين ، وبحكم عملي في مركز المسنين في مستشفى " تال هشومير " - قررت لاخذ الحيطه ان اقوم بالفحص يوم الخميس والحمدلله النتيجه طلعت ايجابيه !

بجميع الاحوال الحمدلله صحتي كثير مليحه واكثر من عادي وما في اي اعراض بالمره ، انا موجود بالبيت في الحجر البيتي بالف صحه ومش زي ما اتناقلتو اني بوضع خطر والاسعاف اخذني من البيت ، عائلتي كلها ملتزمه بالحجر ايضا وكل الاشخاص الي اتواصلت معاهم في الاسبوعين الاخيرين اتواصلت معاهم شخصيا وطلبت منهم يلتزمو بالحجر الصحي ويعملو الفحص ، والحمدلله اغلبيه الي اتواصلت معاهم عملو فحوصات والنتائج الحمدلله سلبيه !

انا على تواصل مع كل الجهات المختصه طول الوقت ، فبطلب رجاء خاص من الجميع انو بكفي اشاعات انا بخير وانا ما ضريت حدا وعندي بنت صغيره بالبيت بجيل ٨ اشهر اكيد مش راح بالعامد اضرها مثل ما اتناقلو البعض .

اتمنى لكم ولعائلتكم الصحه والعافيه واناشدكم جميعاً بالتزام منازلكم واخذ جميع الاحتياطات والحذر ،ان لم يكن حفاظاً على انفسكم من المرض فليكن حفاظاً على احبائكم،وباذن الله سننهي هذه الفتره بكل خير .
المرض مش عيب وليس عار ،الكورونا مثلو مثل اي مرض اخر
انتقل الي بحكم عملي بالمستشفى
كلنا معرضين دون استثناء خصوصاً الكوادر الطبيه الي موجوده بالخطوط الاولى بالدفاع لمحاربه المرض
‎الهمّة عالية والحمدالله ??
‎شكرا على قلقكم واهتمامكم